Pas rreth 15 orësh rrethimi intensiv nga forcat RENEA dhe policia, dy të dyshuarit Julian Cumrraku dhe Arben Uka janë vetëdorëzuar mbrëmjen e sotme. Dorëzimi erdhi pas thirrjeve të vazhdueshme të familjarëve të tyre, të cilët ndërhynë për të bindur të afërmit të dorëzoheshin pa rezistencë.
Gjatë procesit të vetëdorëzimit, është konstatuar se Hamzah Uka është i plagosur në këmbë. Rrethanat e plagosjes së tij mbeten ende të paqarta dhe pritet që autoritetet të japin sqarime të mëtejshme.
Dy të dyshuarit fshiheshin në një banesë të braktisur në zonën e Oroshit, ku u pikasën fillimisht nga policia e Pukës rreth orës 06:00 të mëngjesit. Për shkak të dyshimeve se ata ishin të armatosur rëndë dhe të lidhur me një grup terrorist, në mbështetje u nisën menjëherë forcat speciale RENEA.
Pas dorëzimit të tyre, forcat RENEA pritet të hyjnë në banesë me qen të specializuar për të kontrolluar për eksploziv dhe çdo material tjetër të dyshimtë që mund të jetë fshehur në ambientet e braktisura.
