Gjykata e Lartë rrëzoi rekursin e Zambak Gjonit, ish-drejtor juridik në Drejtorinë e Përgjithshme të Burgjeve dhe Arnold Rrokaj, ish-zyrtar i IMT-së në Vlorë, të cilët akuzohen se hakeruan emailet e prokurorisë së Posaçme. Të dy kundërshtonin masën e sigurisë “arrest me burg”, por kërkesa e tyre u rrëzua nga gjykata supreme. Hakerimi i emaileve në kompjuterat e tre prokurorëve specialë ishte ndoshta një nga ngjarjet më të rënda kriminale të ndodhura së fundmi. SPAK ende nuk ka mundur të zbulojë se kush fshihet pas Gjonit e Rrokajt në këtë sipërmarrje kriminale.
