Në Bashkinë e Delvinës po vijon aksioni për pastrimin e territorit pas dëmeve të shkaktuara nga zjarri që përfshiu zonën disa ditë më parë. Një nga zonat më të goditura është një fshat i njohur për blegtorinë, ku flakët kanë shkaktuar dëme të mëdha në gjënë e gjallë.
Sipas të dhënave të deritanishme, janë identifikuar 16 krerë bagëti të djegura, përkatësisht 9 dhi dhe 7 dele. Trupat e tyre janë gjetur në baçet e fshatit, në zonat ku flaka ka kaluar me intensitet të lartë.
Autoritetet dyshojnë se bilanci i dëmeve mund të jetë edhe më i rëndë, pasi ekziston mundësia që edhe në zonat malore jashtë fshatit të ketë pasur raste të ngjashme, të cilat ende nuk janë dokumentuar për shkak të terrenit të vështirë dhe aksesit të kufizuar.
Të gjitha kafshët e djegura janë grumbulluar dhe janë groposur sipas procedurave përkatëse.
