Pasi grabitën argjendarinë në Kamzë, dy agresorët u larguan sipas kamerave të sigurisë në drejtim të Zall-Herrit. Në një moment ata gati sa nuk shkaktojnë aksident, por hyjnë sërish në rrugë dhe largohen. Që prej ditës së djeshme, policia ka shoqëruar disa persona që kanë rekorde kriminale, por ende nuk ka të dyshuar. Ndërsa është marrë dëshmia e punonjëses, e cila ka deklaruar se nuk u përball me grabitësit, për shkak se ndodhej në një nga ndarjet e argjendarisë. Kamerat tregojnë dy persona me automatikë në duar dhe skafandra në kokë, që pasi grabisin bizhuteritë largohen me motor nga vendi i krimit.
