Është arrestuar 62-vjeçari, Qazim Cahani, i cili tentoi të vriste me mjet prerës një tjetër të moshuar, pas një konflikti që kishin pasur për motive të dobëta.
Ngjarja ka ndodhur në lagjen Nr. 1, në qytetin Krumë, ndërsa i dëmtuari, 60-vjeçar, ndodhet në kujdesin e mjekëve, jashtë rrezikut për jetën.
Në cilësinë e provës materiale, sekuestrohet mjeti prerës që dyshohet se autori ka përdorur në vendin e ngjarjes.
Materialet procedurale iu referuan Prokurorisë pranë Gjykatës së Juridiksionit të Përgjithshëm Kukës, për veprime të mëtejshme.
