Gjykata ka shpallur fajtorë mjekët Petrit Rexhepi dhe Elona Burba për vdekjen e Doriana Hakës, bashkëshortes së ish-portierit të Partizanit, Alban Hoxha. Doriana Haka humbi jetën në nëntor të vitit 2014, dy javë pas lindjes së fëmijës së saj të parë.
Elona Burba, reanimatore, është dënuar me 1 vit burg, i cili konvertohet në 2 vite shërbim prove, dhe me pezullim të licensës për një periudhë 2-vjeçare. Ndërsa Petrit Rexhepi, kirurg, është dënuar me 6 muaj burg, që konvertohet në 12 muaj shërbim prove.
Gjykata ka vlerësuar përgjegjësinë e mjekëve në trajtimin e pacientes, duke shpallur masat e dënimit që përfshijnë edhe përgjegjësinë profesionale.
