Një ditë më parë VNA raportoi se Gjykata e Durrësit vendosi nën sekuestro një pasuri të fshehur të ish-gjyqtarit të Tiranës, Arjan Aliaj, që dyshohet se e kishte fituar në formën e rryshfetit për shkak të një vendimi gjyqësor. Pasurinë, Aliaj nuk e kishte deklaruar në dekleratat e pasurisë dhe as në atë vetting. Madje sipas prokurorisë, ai kishte bërë dhe divorc fiktiv nga gruaja që të fshihte këtë pasuri.
Vetë ish-gjyqtari Aliaj, që është larguar nga sistemi i drejtësisë në kuadër të procesit të Vettingut, ka deklaruar se nuk ka asnjë lidhje me pasurinë që konsiderohet si e fshehur prej tij. Ai thotë se vëllai i tij ja dhuroi këtë pronë vëllait tjetër dhe ish-bashkëshortes së tij, ishte se ata shërbyer prindërve të tijme të cilët kanë banuar në të njëjtën banesë deri në vitin 2007.
Edhe, Pëllumb Rrapo, vëllai i gjyqtarit që rezulton se ai ka jetuar në Spanjë nga viti 1996-2008 ku ka punuar si resturator i veprave të artit dhe objekteve të kultit, deklaron se shtëpinë e kishte dhënë me qira dhe në pamundësi për ta shitur, ja dhuroi vëllait të kunatës, sepse ishin kujdesur për prindërit kur ishin sëmurë. Pasuria është sekuestruar tashmë nga Agjencia e Administrimit të Pasurive të Sekuestruara dhe Konfiskuara, ndërsa ish-gjyqtarit pritet t’i komunikohen akuzat.
