Gjykata Administrative e Apelit rrëzon padinë e zyrtarit të lartë të Policisë së Shtetit, Gentian Ndoi, një nga kandidatët në garë për kreun e Byrosë Kombëtare të Hetimit. Ndoi kundërshtonte zgjedhjen e Joni Ketës në krye të Byrosë, duke pretenduar se ishte shkelur ligji.
Referuar pikëzimit, Ndoi rezultonte se kishte dalë i pari në të gjitha testet, ndërsa Keta ishte renditur i shtati. Ndaj për këtë shkak zyrtari i policisë kërkonte që procedura për emërimin e tij të konstatohej e paligjshme dhe të emërohej ai në krye të strukturës.
Por Gjykata Administrative e Apelit pasi e shqyrtoi çështjen, e konsideroi të ligjshme procedurën e emërimit të Ketës në krye të Byrosë Kombëtare të Hetimit, një institucion që ndihmon SPAK në hetimin e zyrtarëve të lartë apo eksponentëve të krimit të organizuar.
