Në Gjykatën Kushtetuese ka nisur mbledhja e gjyqtarëve, të cilët po shqyrtojnë mbi bazën e dokumenteve kërkesën e Evis Berberit, ish-kreut të Autoritetit Rrugor Shqiptar.
Përveç kundërshtimit të masës së sigurisë, Berberi kërkon edhe shpalljen si të papërdorshme të komunikimeve të zbuluara në celularët e tij. Këto komunikime shërbyen për inicimin e dy dosjeve penale: atë ndaj ish-zëvendëskryeministres Belinda Balluku dhe ndaj kryebashkiakut të Shkodrës, Benet Beci.
Gjykata Kushtetuese pritet të shpallë sot verdiktin dhe, nëse kërkesa e Berberit pranohet, vendimi mund të ketë ndikim të drejtpërdrejtë në dosjen ndaj Ballukut.
Ish-numri dy i qeverisë është nën hetim për abuzime me tenderat e rrugëve. Mazhoranca refuzoi kërkesën e SPAK për dhënien e lejes për arrestimin e saj, ndërsa ndaj Ballukut janë në fuqi dy masa sigurie: pezullim nga ushtrimi i funksioneve dhe ndalim për të dalë jashtë shtetit.
