Gjykata Kushtetuese ka vendosur të kalojë për shqyrtim në seancë plenare, mbi bazë dokumentesh, çështjen e ish-deputetit demokrat Ervin Salianji.
Salianji u dënua me 1 vit burg për kallëzim të rremë në të ashtuquajturën dosja “Babale”, ku sipas vendimit të gjykatës, u krijuan prova të rreme kundër Geron Xhafajt, vëllait të ish-ministrit të Brendshëm Fatmir Xhafaj.
Ai vuajti disa muaj burg dhe tashmë është rikthyer në jetën politike, duke sfiduar Sali Berishën në një betejë të hapur që synon ndryshimin e lidershipit të Partisë Demokratike.
