Gjykata e Posaçme vendosi të lërë të pandryshuar masën e sigurisë “arrest në burg” për Dorian Beun, i arrestuar dy ditë më parë në malin e Tomorrit.
Beu akuzohet për “prodhim e shitje të narkotikëve” dhe pjesëmarrje në “grup të strukturuar kriminal”, ndërsa masa ndaj tij ishte caktuar më parë në mars 2023.
Në sallën e gjyqit, përmes avokatit të tij Andi Hasanaj, Beu kërkoi zbutjen e masës, duke pretenduar se për të njëjtin fakt penal po procedohej edhe nga autoritetet italiane. Ai ishte arrestuar në Itali në tetor 2023 dhe ndaj tij ishte caktuar masa “arrest në shtëpi”, ndërsa nga dhjetori 2023 hetimi në vendin fqinj vijon në gjendje të lirë.
Hetimi ndaj Beut dhe personave të tjerë të dyshuar si anëtarë të grupit kriminal është kryer nga një skuadër e përbashkët hetimore shqiptaro-italiane.
