Gjykata e Lartë vendosi të prishë një vendim të Gjykatës së Apelit Shkodrës, që lidhet me tjetërsimin e pronave tek Rana e Hedhun në Shëngjin dhe e ktheu për rigjykim me një tjetër trupë gjykuese, në të vetmen gjykatë të Apelit të Juridiksionit të Përgjithshëm të Tiranës.
Gjykata e Apelit Shkodër me vendimin nr. 222, datë 28.10.2022 kishte cilësuar fajtor disa zyrtarë vendore të përfshirë në skemën e tjetërsimit e rreth 234 mijë m² tokë në një nga zonat me të lakmuara të bregdetit.
Ish-kryebashkiaku i Lezhës, Fran Frrokaj, ish-kryetari i Qarkut, Gjok Ndoka, sipas këtij vendimi u dënuan me nga 3 vite burg secili, ndërsa u cilësuan fajtor dhe 16 persona të tjerë. Gjykata supreme konstatoi shkelje të kryera nga shkalla e dytë e gjyqësorit dhe tashmë cështja do të kalojë sërish në filtrin e një trupe tjetër gjykuese.
