Gjykata e Lartë vulos dënimin me burgim të përjetshëm për Redian Rrajën. Ai është gjetur fajtor për vrasjen e Andi Malokut dhe plagosjen e ish-prokurorit të Durrësit, Arjan Ndoja dhe mikut të tij Aleksandër Laho i njohur si ‘Rrumi’ në atë që njihet si atentati te mbikalimi i Shkozetit.
Rraja ka qenë në rolin e ekzekutorit në atentatin mafioz.
Gjykata supreme la në fuqi edhe dënimin me 35 vite burgim për Arjol Halilajn, bashkëpunëtor i Rrajës.
Rekursi i dy të akuzuarve u cilësua si i pabazuar dhe ndaj u la në fuqi vendimi i Apelit të Posaçëm. Kreu i grupit që organizoi atentatin dyshohet të jetë Plarent Dervishaj, i cilin po gjykohet në një proces të ndarë.
