Të enjten në orën 10:00, Gjykata e Apelit të Posaçëm do të shqyrtojë ankimimin e zëvëndës kryeministres Belinda Balluku që kërkon heqjen e masave të sigurisë pezullim nga ushtrimi i detyrës dhe ndalim për të dalë jashtë vendit. Masa e pezullimit është shfuqizuar përkohësisht nga Gjykata Kushtetuese, ndërsa mbetet në fuqi masa e ndalimit për dalje jashtë vendit. Ndërsa Apeli i Posaçëm pritet të shqyrtojë këtë çështje, në Këshillin e Mandateve dhe Imunitetit të premten do të shqyrtohet kërkesa e SPAK për leje për të arrestuar Ballukun. Ndaj në këtë valë zhvillimesh mbetet për tu parë qëndrimi që do të mbajë SPAK në seancën e nesërme. Numri dy i qeverisë dhe njëherazi Ministrja e Infrastrukturës akuzohet për abuzime me tendera miliona euro. Në këtë akuzë bëjnë pjesë edhe vartësit e saj Erald Elezi, Gentian Gjyli e Evis Berberi si dhe të tjerë.
