Gjykata e Tiranës caktoi masën e arrestit në burg për Oltion Asllanin alias Vodollarin dhe Serxhio Bajzën, të cilët dyshohen për sulmin me armë në Kombinat.
28 vjeçari Asllani dyshohet se qëlloi me kallashnikov drejt një mjeti në lëvizje, pas një përplasje me disa persona.
Ai tha në seancë se nuk kishte qëllim të vriste njeri, por vetëm t’i trembte personat që sipas tij e kishin dhunuar fizikisht. Bajza ndërkohë u arrestua pasi shoqëroi me makinë shokun e tij, por tha në gjykatë se e bëri këtë veprim pasi u ndje i kërcënuar prej tij.
Të dy do të hetohen nga prokuroria për “vrasje në rrethana të tjera cilësuese”, mbetur në tentativë.
