Një oficer i Byrosë Kombëtare të Hetimit duhet të shkojë në paraburgimin e Durrësit dhe t’i vërë në dispozicion kryebashkiakut Erion Veliaj 65 mijë faqet e dosjes hetimore bashkë me faktet e provat që rëndojnë mbi supet e tij, e mbi të cilat SPAK ka ngritur 13 akuza penale ndaj zyrtarit të lartë.
Në seancën e parë të themelit, ku Veliaj nuk ishte i pranishëm trupa gjykuese e drejtuar nga Engjëllushe Tahiri urdhëroi SPAK t’i vërë në dispozicion të pandehurit aktet e dosjes me të cilat ai pretendon se nuk është njohur. Kërkesa për njohjen me materialet e dosjes u bë në seancë edhe nga avokatja e caktuar kryesisht Valentina Teodoresku.
Gjatë seancës gjykata konstatoi se mungonin disa prej të pandehurve dhe avokatëve të tyre.
“Klientja ime është në është në pamundësi shëndetësore, pasi është është shtatzënë, ia ka ndaluar mjeku që të vijë në proces. Po bëj gati aktin mjekësor për t’ia paraqitur gjykatës”, tha avokati Maksim Haxhiaj, duke justifikuar mungesën e të pandehurës Ajola Xoxa, bashkëshortja e Veliajt.
Në proces mungoi edhe ish-deputetja socialiste Klotilda Bushka, edhe pse rezultoi se kishte marrë dijeni.
“Nuk ka dashur të paraqitet. Në fund të aktit ka shënim me dorë që ka marrë dijeni”, tha avokati i saj, Henrik Ligori.
Në kushte të tilla, GJKKO vendosi ta shtyjë procesin për në datën 24 mars.
Erion Veliaj akuzohet nga prokuroria e Posacme për një skemë komplekse pastrimi parash dhe korrupsioni.
Nga hetimet rezulton se ai ka favorizuar biznesmenë të ndryshëm nga të cilët ka përfituar rryshfet që ka kaluar në kompanitë apo OJF-të e kontrolluara nga bashkëshortja e tij Ajola Xoxa.
Një oficer i Byrosë Kombëtare të Hetimit duhet të shkojë në paraburgimin e Durrësit dhe t’i vërë në dispozicion kryebashkiakut Erion Veliaj 65 mijë faqet e dosjes hetimore bashkë me faktet e provat që rëndojnë mbi supet e tij, e mbi të cilat SPAK ka ngritur 13 akuza penale ndaj zyrtarit të lartë.
Në seancën e parë të themelit, ku Veliaj nuk ishte i pranishëm trupa gjykuese e drejtuar nga Engjëllushe Tahiri urdhëroi SPAK t’i vërë në dispozicion të pandehurit aktet e dosjes me të cilat ai pretendon se nuk është njohur. Kërkesa për njohjen me materialet e dosjes u bë në seancë edhe nga avokatja e caktuar kryesisht Valentina Teodoresku.
Gjatë seancës gjykata konstatoi se mungonin disa prej të pandehurve dhe avokatëve të tyre.
“Klientja ime është në është në pamundësi shëndetësore, pasi është është shtatzënë, ia ka ndaluar mjeku që të vijë në proces. Po bëj gati aktin mjekësor për t’ia paraqitur gjykatës”, tha avokati Maksim Haxhiaj, duke justifikuar mungesën e të pandehurës Ajola Xoxa, bashkëshortja e Veliajt.
Në proces mungoi edhe ish-deputetja socialiste Klotilda Bushka, edhe pse rezultoi se kishte marrë dijeni.
“Nuk ka dashur të paraqitet. Në fund të aktit ka shënim me dorë që ka marrë dijeni”, tha avokati i saj, Henrik Ligori.
Në kushte të tilla, GJKKO vendosi ta shtyjë procesin për në datën 24 mars.
Erion Veliaj akuzohet nga prokuroria e Posacme për një skemë komplekse pastrimi parash dhe korrupsioni.
Nga hetimet rezulton se ai ka favorizuar biznesmenë të ndryshëm nga të cilët ka përfituar rryshfet që ka kaluar në kompanitë apo OJF-të e kontrolluara nga bashkëshortja e tij Ajola Xoxa.
