Gjykata e Posaçme kundër Korrupsionit dhe Krimit të Organizuar ka shpallur fajtorë tre persona për veprën penale të ushtrimit të ndikimit të paligjshëm ndaj personave që ushtrojnë funksione publike.
Sipas GJKKO, ish-shefi i Krimeve në Tiranë, Erjon Danit u shpall fajtor për të njëjtën vepër penale si Gjikola në 2 episode dhe u dënua me 3 vite burg, nga të cilat me gjykim të shkurtuar, ulen në 2 vite.
Musa Gjikola u shpall fajtor për veprën penale “ushtrimi i ndikimit të paligjshëm ndaj personave që ushtrojnë funksione publike” dhe u dënua me 1 vit e 6 muaj burg, nga të cilat me gjykim të shkurtuar, ulet në 1 vit.
Vilson Roçi është shpallur fajtor për veprën penale “ushtrimi i ndikimit të paligjshëm ndaj personave që ushtrojnë funksione publike” dhe u dënua me 1 vit e 6 muaj burg, nga të cilat me gjykim të shkurtuar, ulet në 1 vit.
Gjithashtu, për të tre të dënuarit, dënimi do të llogaritet nga data e arrestimit, 11 korrik 2025, dhe do të vuhet në burg të sigurisë së zakonshme. Gjykata vendosi gjithashtu që shpenzimet procedurale dhe gjyqësore të paguhen nga personat e shpallur fajtorë.
