Gjykata e Posaçme ka liruar nga burgu Xhelal Rrajën, vëllain e ish-deputetit socialist Rrahman Rraja. Nga arresti në burg, Rraja është dërguar në arrest në shtëpi.
Xhelal Rraja u arrestua në kuarër të operacionit “Revanshi”.
Rraja akuzohet për “Sigurim të kushteve dhe mjeteve materiale për të kryer vrasje”, në dëm të shtetasit Arben Ndoka, kryer në bashkëpunim të veçantë atë të grupit të strukturuar kriminal; "Grup i strukturuar kriminal”, në formën e krijimit, organizimit ose drejtimit të grupit të strukturuar kriminal; “Kryerja e veprave penale nga organizata kriminale dhe grupi i strukturuar kriminal”.
Nga hetimet rezulton se Ndoka, ishte planifikuar të ekzekutohej në janar të 2021, kur do të shkonte tek për ngushëllim tek një i njohur.
Sipas prokurorisë në planin për vrasjen e tij u përfshinë Durim Bami, Endrit Dokle, Xhelal Rraja dhe Marklen Haka.
