Gjykata e Posacme pranoi kërkesën e SPAK dhe zgjati me 3 muaj të tjerë masën e sigurisë “arrest në shtëpi” për ish-kreun e KESH Erald Elezi dhe ish-kreun e ARRSH-së Gentian Gjyli.
Dy ish-vartësit e Belinda Ballukut ndodhen nën e arrestit në shtëpi, pasi janë të pandehur bashkë me ish-zv.kryeministren dhe ish-ministren e Infrastrukturës për shkelje të barazisë në tendera, lidhur me tenderin për ndërtimin e tunelit të Llogarisë.
Balluku ndërkohë po hetohet nga SPAK për abuzime me tenderat e rrugëve, ndërsa ndaj saj janë në fuqi dy masa sigurie; pezullim nga ushtrimi i funksioneve dhe ndalim për të dalë jashtë vendit.
NJOFTIM PËR MEDIAT
1. Kërkuesi Prokuroria e Posaçme kundër Korrupsionit dhe Krimit të Organizuar
me datë 12.05.2026 ka paraqitur pranë Gjykatës kërkesën me objekt: “Zgjatjen e afatit të
paraburgimit për të pandehurit Gentian Gjyli dhe Erald Elezi, për 3 (tre) muaj, duke
filluar ky afat nga e nesërmja e ditës që përfundon afati ligjor i paraburgimit për veprën
penale, për të cilën ata akuzohen/dyshohen”
.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Erjon Çela, me vendimin
nr. 366, datë 18.05.2026, vendosi:
1. Pranimin e kërkesës së Prokurorisë së Posaçme kundër Korrupsionit dhe
Krimit të Organizuar.
2. Zgjatjen e afatit të paraburgimit në lidhje me masën e sigurimit personal
“Arrest në shtëpi”, e parashikuar nga neni 237 i K.Pr.Penale, për një
periudhë kohe prej 3 (tre) muaj, për të pandehurit Gentian Gjyli dhe Erald
Elezi, duke filluar ky afat nga dita e përfundimit të tij për secilin prej tyre
(sipas pasqyrimit të pjesës arsyetuese të këtij vendimi).
3. Kundër këtij vendimi mund të bëhet ankim në Gjykatën e Posaçme të Apelit
për Korrupsionin dhe Krimin e Organizuar, brenda 15 ditëve, duke filluar
ky afat nga dita e nesërme e njoftimit të këtij vendimi.
Tiranë, më datë 18.05.2026
