Prokuroria e Posaçme kundër Korrupsionit dhe Krimit të Organizuar (SPAK) paraqiti pranë gjykatës kërkesën për gjykimin e çështjes penale në ngarkim të katër të pandehurve: Florian Habilaj, Armando Sulaj, Sabaudin Çelaj dhe Tigrens Mëzuraj, të akuzuar për trafikim narkotikësh dhe pjesëmarrje në një grup të strukturuar kriminal. Çështja u gjykua sipas procedurës së shkurtuar.
Në përfundim të procesit, Gjykata e Posaçme e Shkallës së Parë për Korrupsionin dhe Krimin e Organizuar, me trup gjykues të përbërë nga gjyqtarët Esmeralda Xhili, Arbana Selmanaj dhe Migena Laska, më vendimin nr. 79, datë 05.12.2025, shpalli fajtor të pandehurit dhe vendosi dënime të konsiderueshme me burg.
Dënimet për Florian Habilajn
Gjykata deklaroi fajtor Florian Habilajn, i konsideruar si pjesë kryesore e grupit kriminal, për disa vepra penale:
Trafikim narkotikësh, mbetur në tentativë në formën e grupit të strukturuar kriminal – 12 vjet burg
Trafikim narkotikësh në bashkëpunim – 15 vjet burg
Pjesëmarrje në grup të strukturuar kriminal – 3 vjet burg
Në zbatim të nenit 55 të Kodit Penal, gjykata përcaktoi një dënim të vetëm prej 15 vitesh burg, të cilit iu aplikua ulja me 1/3 për shkak të gjykimit të shkurtuar, duke e çuar dënimin final në 10 vjet burgim. Ai do ta vuajë dënimin në një burg të sigurisë së lartë
Dënimet për Armando Sulajn
Armando Sulaj u shpall fajtor për:
Trafikim narkotikësh në formën e grupit të strukturuar kriminal – 9 vjet burg
Pjesëmarrje në grup të strukturuar kriminal – 2 vjet burg
Gjykata përcaktoi një dënim të vetëm prej 9 vjetësh, i cili pas uljes për gjykim të shkurtuar u reduktua në 6 vjet burg. Edhe ky dënim do të vuhet në një institucion të sigurisë së lartë.
Dënimet për Sabaudin Çelajn
Për Sabaudin Çelajn u vendos:
15 vjet burg për trafikim narkotikësh
3 vjet burg për pjesëmarrje në grup të strukturuar kriminal
Pas bashkimit të dënimeve u caktua një dënim i vetëm prej 15 vitesh, që u reduktua në 10 vjet burg për shkak të procedurës së shkurtuar. Ai gjithashtu do të vuajë dënimin në një burg të sigurisë së lartë.
Dënimet për Tigrens Mëzurajn
Gjykata shpalli fajtor Tigrens Mëzurajn për:
8 vjet burg për trafikim narkotikësh
2 vjet burg për pjesëmarrje në grup të strukturuar kriminal
Pas aplikimit të nenit 55, u caktua një dënim i vetëm prej 9 vjetësh, i reduktuar më pas në 6 vjet burg. Vuajtja e dënimit do të kryhet në burg të sigurisë së lartë.
