Pas një operacioni kërkimi që zgjati rreth dy orë në zonën e Majës së Gurit brenda Parkut Kombëtar “Shebenik”, dy turistë francezë u gjetën dhe u shpëtuan me sukses. Falë bashkëpunimit midis Autoritetit të Zonave të Mbrojtura Elbasan dhe banorëve lokalë, turistët u lokalizuan dhe u shoqëruan në vendin ku po qëndronin, duke u siguruar që gjendja e tyre shëndetësore të ishte e mirë.
Parku Kombëtar “Shebenik–Jabllanicë” është një prej destinacioneve kryesore të turizmit natyror në Shqipëri, i njohur për majat e larta malore, pyjet e dendura dhe biodiversitetin e pasur. Gjatë periudhave të verës dhe vjeshtës, parku tërheq shumë vizitorë vendas dhe të huaj, megjithatë terreni i vështirë shpesh paraqet sfida në orientim.
