Prokuroria e Durrësi pritet t’i komunikojë të premten dy akuza ish-gjyqtarit të Tiranës, Arjan Aliaj, i shkarkuar nga procesi i vettingut për probleme me pasurinë.
Aliaj është marrë i pandehur për akuzat e “fshehjes së pasurisë” dhe “pastrimit të parave” dhe dosja pritet t’i dorëzohet për gjykim gjykatës së Durrësit.
Prokuroria ka zbuluar më herët se ish-gjyqtari ka fshehur ne emër të ish-bashkëshortes një pasuri që dyshohet të ketë përfituar si rryshfet për shkak të një vendimi të firmosur prej tij, në favor të një prej palëve. Pasuria, truall dhe ndërtesë është vendosur nën sekuestro.
