Nga hetimet paraprake lidhur me vrasjen e ndodhur në restorant “City Lounge”, picieri Filip Shehu ka deklaruar se e goditi kolegun e tij pasi ai e shante vazhdimisht dhe është ndjerë i bullizuar prej tij.
Indrit Ismailllari humbi jetën rrugës për në spital pas goditjes me thikë.
Tiranë/Informacion paraprak
Rreth orës 15:30, në zonën e Komunës së Parisit, në ambientet e një lokali, shtetasi F. Sh., rreth 41 vjeç, dyshohet se gjatë një konflikti për motive të dobëta, ka goditur me mjet prerës shtetasin I. I., rreth 34 vjeç, të dy punonjës të lokalit.
Shtetasi I. I. ka humbur jetën në spital, si pasojë e plagëve.
Falë reagimit të menjëhershëm të shërbimeve të Policisë, autori i dyshuar, shtetasi F. Sh., është kapur dhe shoqëruar në Komisariat, menjëherë pas ngjarjes.
Grupi hetimor vijon punën për përcaktimin e rrethanave dhe dokumentimin e plotë të rastit.
