Dy vatra zjarri janë shfaqur këtë pasdite në afërsi të fshatit Borizanë, mbi fabrikën e çimentos dhe pranë zonës së guroreve. Burime nga terreni dyshojnë se zjarret janë të qëllimshme dhe të ndezura për t’u hapur terren guroreve ekzistuese ose për hapjen e ndonjë guroreje të re.
Në vendngjarje është angazhuar reparti zjarrfikës i rrethit me të gjitha mjetet dhe forcat që ka në dispozicion. Megjithëse punohet intensivisht, era e fortë po favorizon përhapjen e flakëve, duke shkrumbuar hektarë të tërë me pisha të reja.
Situata është bërë edhe më shqetësuese për shkak se rreth një kilometër larg nga vatrat e zjarrit ndodhet një depo dinamitësh që furnizon guroret e zonës. Nëse flakët nuk do të vihet nën kontroll në kohë, ekziston rreziku real që ato t’i afrohen depot e dinamitit, çka do ta përkeqësonte ndjeshëm situatën dhe do ta kthente atë në një emergjencë të madhe.
