Biznesmeni Ermal Beqiri, ndaj të cilit është caktuar masa e sigurisë “arrest me burg”, akuzohet për një sërë veprash të rënda penale: “Konkurrenca e paligjshme përmes dhunës”, “Heqje e paligjshme e lirisë”, “Shkelje e barazisë së pjesëmarrësve në tendera”, e kryer në formën e veçantë të bashkëpunimit dhe grupit të strukturuar kriminal, “Grup i strukturuar kriminal”, “Kryerje të veprave nga organizata kriminale dhe grupi i strukturuar kriminal”, si edhe “Pastrimi i parave”.
Sipas hetimeve, Beqiri në bashkëpunim me Ergys Agasin dhe zëvendësdrejtorin e Policisë së Tiranës, dyshohet se ka lidhje me rrëmbimin e biznesmenit Gerond Meçe. Ky i fundit është mbajtur peng për disa orë dhe është liruar vetëm pasi është tërhequr nga pesë tendera publikë. Pas tërheqjes së Meçes, tenderat dyshohet se janë fituar nga kompanitë e lidhura me Ermal Beqirin.
Hetimi ka vënë në fokus edhe rrjetin e kompanive që zotëron ose bashkëzotëron Beqiri, të cilat dyshohet se janë përdorur për të përfituar tendera publikë dhe për të konsoliduar kontrollin mbi procedurat konkurruese.
Më poshtë, lista e kompanive që zotëron ose ku është ortak Ermal Beqiri:
• Horizon – Ermal Beqiri 100%
• NSolution (ish “Itirana”) – Ermal Beqiri 100%
• AL SOFT – Ermal Beqiri 100%
• SOFT & SOLUTION – Ermal Beqiri 100%
• AL-FORENSIC – Ermal Beqiri 50%, Ardian Pollo 50%
• ALB RED STONE – Ermal Beqiri 50%, Dorian Sheshi 50%
• 5min.al – Ermal Beqiri 100%
• IMO SOLUTION – Ermal Beqiri 100%
• R&D Solution – Ermal Beqiri 100%
• Cyberfarm – Kushtrim Shala 51%, Ermal Beqiri 49%
• DATA STORM – Ermal Beqiri 100%
SPAK po vijon hetimet për zbardhjen e plotë të skemës së dyshuar kriminale, rolin e secilit prej të përfshirëve dhe lidhjen e kësaj strukture me procedurat e tenderimit në AKSHI dhe institucione të tjera publike.
