Erion Veliaj
Kryebashkiaku i Tiranës, Erion Veliaj, i cili është marrë i pandehur nga SPAK për 13 akuza penale, kërkon të pajiset me kompjuter laptop në burg me qëllim që të lexojë aktet e dosjes.
Kërkesën e paraqiti në seancë paraprake përmes avokatëve të tij, pasi pretendon se në kushtet ku ndodhet nuk mundet të njihet me dosjen.
Erion Veliaj, bashkëshortja e tij dhe 28 të pandehur të tjerë akuzohen për vepra të rënda penale. Ai u shkarkua nga detyra, por Gjykata Kushtetuese e riktheu sërish, pasi e gjeti antikushtetues vendimin e këshillit bashkiak.
