Lorenc Lala, i njohur edhe me emrat Kristian Lala ose Ilir Lamberti i akuzuar si pjesë e bandës kriminale të drejtuar nga Laert Haxhiu, u ekstradua ditën e sotme nga Britania e Madhe drejt Shqipërisë.
AI sihte shpallur në kërkim pasi ndaj tij ishte caktuar masa e sigurisë “arrest me burg” për akuzat “Vrasje për gjakmarrje”, “Sigurimi i kushteve dhe mjeteve materiale për të kryer vrasje” në bashkëpunim, “Grup i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.
Nga hetimet rezulton se Lala ka bashkëpunuar me Laert Haxhiun, Artan Tafanin, Lulzim Spahijan, Enriko Xhahysan dhe Bledar Berberin për të kryer vrasjen e Albi Bashaliut, më 27 dhjetor 2021 në Gjocaj, Peqin. Hetimet provuan se ai dyshohet se ka siguruar armët dhe mjetet e transportit për grupin kriminal, si dhe largimin nga vendi i ngjarjes.
