Më shumë se 18 muaj nga dita kur shpërtheu skandali me mbetjet e kompanisë turke KURUM, prokuroria e Durrësit ka finalizuar hetimet paraprake dhe ka firmosur 33 urdhra arrestimi e ndalimi.
Në mesin e personave të dyshuar për skandalin e mbetjeve që kanë rezultuar të rrezikshme janë drejtuesit e kompanisë Kurum, Erdal Demir e Yusuf Kurum, drejtuesit e kompanisë ”Sokolaj” shpk, ndërsa nga zyrtarët më e rëndësishmja është Arta Dollani, ish-drejtoreshë e Agjencisë Kombëtare të Mjedisit.
102 kontejnerët me mbetje u eksportuan drejt Tajlandës nga kompania Sokolaj shpk. Teksa ngarkesa nuk kishte mbërritur ne destinacion Rrjeti i Bazelit ngriti alarmin se brenda kontejnerëve kishte mbetje të rrezikshme. Ngarkesa u kthye mbrapsht dhe aktuakisht është vendosur në ruajtje të policisë në Porto Romano.
