Një ngjarje e rëndë ka tronditur fshatin Golluboc të Malishevës, ku dy persona kanë humbur jetën si pasojë e të shtënave me armë zjarri. Viktimat, dyshohet se ishin vëllezër, të moshave rreth 32 dhe 45 vjeç.
Sipas informacioneve paraprake, i dyshuari, dhëndri i tyre, kishte shkuar fillimisht në shtëpinë e viktimave për të marrë gruan e tij. Pas largimit disa metra, ai është kthyer dhe ka hapur zjarr ndaj vëllezërve para derës së shtëpisë. Njëri nga viktimat ka ndërruar jetë menjëherë, ndërsa tjetri rrugës për në spital.
Ngjarja dyshohet të ketë motiv familjar dhe lidhet me konflikte të mëparshme mes palëve, përfshirë edhe vëllain e të dyshuarit.
Policia dhe Prokuroria janë në vendngjarje, ndërkohë që trupat e viktimave janë nisur për ekzaminim mjeko-ligjor. I dyshuari është shpallur në kërkim, dhe po zhvillohen veprime intensive operative për kapjen e tij.
