Gjykata e Apelit të Juridiksionit të Përgjithshëm la në fuqi masën e sigurisë “arrest në burg” për Petrit Hoxhën alias Çakrri dhe Fatjon Bushgjokën, të dyshuar për vrasjen e 23-vjeçarit Renis Dobra.
Burime nga seanca bëjnë me dije se avokatët dhe të pandehurit kanë patur debate të ashpra me prokurorin Etien Kapo. Avokatët kanë kërkuar të cilësohet i paligjshëm arrestimi dhe lirimi i menjëhershëm i dy të dyshuarve. Por gjykata e ka rrëzuar kërkesën duke i lënë në qeli të dyshuarit.
Renis Dobra u rrëmbye, u vra dhe hodh në Liqenin e Shkopetit. Trupi i pajetë i tij u gjet një ditë më vonë.
Në kërkim për këtë ngjarje janë edhe Kristi dhe Aleksandër Bushgjokaj, vëllezërit e Fatjon Bushgjokës. Dobra dyshohet të jetë vrarë për shkak të përplasjeve të grupeve kriminale në trafikun e drogës.
