Eria Ago, ish e dashura e të fortit të Dobracit Safet Bajri, e dyshuar për përfshirje në atentatin ndaj Fatbardh Liçit, bën kërkesë për zëvendësim të masës së sigurisë.
SPAK i ka zgjatur hetimet për Agon deri në tetor 2025 dhe ndërkohë ajo kërkon zbutje mase me qëllim që të lërë ambientet e burgut të Pojskës.
Ago dyshohet për përkrahje të autorit të krimit, pasi ka larguar nga vendi i ngjarjes autorët e vrasjes së Liçit.
Për ekzekutimin mafioz të 10 gushtit 2018 akuzohen Safet e Behar Bajri dhe Astmer Bilali, të cilët mbahen në paraburgim.
