Ish e dashura e Elvis Dedës i vrarë në Durrës u rrëfye në Gjykatën e Posaçme në procesin ndaj të pandehurve të dosjes “Plumbi i Artë”. Për vrasjen e Elvis Dedës dhe nënës së tij Fatmira, akuzohet Festim Qoli në cilësinë e urdhëruesit, ndërsa Henrik Hoxha si një prej ekzekutorëve.
“Me Elvisin jam njohur në mars 2012, përmes një shoqeje që kishte njohje me Festim Qolin. Sapo ishte kthyer nga Holanda dhe bashkë me Festimin hapën një karburant në Shkozet. Ditën e ngjarjes ai më solli në Tiranë pasi kisha provime. Më mori më vonë dhe më ktheu në shtëpi në Durrës.
Në atë kohë mbaj mend që Ervisi ishte i shqetësuar për shkak të karburantit. Pasi ai donte ta vinte në emër të nënës së tij, ndërsa e kishin vënë në emër të Festim Qolit.
Nënën e Ervisit e kam takuar ditën e varrimit, me herët skam patur kontakt me të.
Ervisi dhe Festimi u përplasën për karburantin dhe prej atij momenti raportet e tyre nuk ishin më si më përpara”, tha dëshmitarja P.M.
Pas vrasjes së Ervis Dedës, grupi kriminal që drejtohej nga vrasësi me pagesë Nuredin Dumani vrau dhe nënën e tij, Fatmir Deda.
