Një ngjarje e dyshuar për ngacmim seksual ndaj një të mituri është vënë nën hetim nga autoritetet në Gjirokastër.
Sipas të dhënave paraprake, një fëmijë 10-vjeçar ka bërë kallëzim ndaj një 17-vjeçari, i cili dyshohet si autor. Në momentin e ngjarjes kanë qenë të pranishëm edhe dy fëmijë të tjerë, të moshës 9 dhe 10 vjeç, të cilët janë identifikuar si dëshmitarë.
17-vjeçari është larguar në drejtim të shtetit Grek, para se 10-vjeçari dhe prindrit e tij, të vinin në ambientet e Policisë për të bërë kallëzim.
I mituri që ka bërë kallëzimin pritet t’i nënshtrohet një ekzaminimi mjekësor në Tiranë, me qëllim verifikimin e plotë të pretendimeve dhe dokumentimin e çdo prove të mundshme që lidhet me rastin.
Ndërkohë, policia ka nisur hetimet dhe po punon për të sqaruar në detaje rrethanat e ngjarjes. Të gjithë të miturit e përfshirë i përkasin komunitetit rom.
Deri në këtë fazë, autoritetet nuk kanë dhënë informacion shtesë, ndërsa hetimet vijojnë për të zbardhur plotësisht këtë rasti në fjalë.
