Forcat speciale “Shqiponja” të policisë së Shkodrës janë përballur me një kërcënim të drejtpërdrejtë nga dy persona gjatë një postoblloku në hyrje të qytetit. Sipas raportimeve, dy shtetas kanë ndaluar pranë efektivëve dhe i kanë kërcënuar me fjalët “do t’ju hapim barkun me plumba”, përpara se të largoheshin.
Menjëherë pas incidentit, policia nisi ndjekjen dhe arriti të ndalojë dy personat e dyshuar, të cilët janë shoqëruar në komisariatin lokal në Shkodër. Ende nuk janë të qarta motivet pas këtij kërcënimi.
Uniformat blu po vazhdojnë hetimet dhe po marrin në pyetje të shoqëruarit për të sqaruar rrethanat e ngjarjes dhe për të marrë masa të mëtejshme.
