Gjykata e Posaçme vendosi të kalojë për gjykim shtatë nga të pandehurit e dosjes “Revanshi”.Në seancë themeli kaluan të pandehurit: Durim Bami, Aldo Avdyli, Jozi Kraja, Altin Morina, ish-oficer i RENEA-s, Marklen Haka, ish-drejtori i policisë së Lezhës Enerigert Mitri dhe Edson Jozwik.
Shtatë të pandehurit janë të arrestuar dhe për këtë arsye janë veçuar nga 20 të tjerët, që janë në kërkim.
Ata akuzohen për krime të rënda që nga trafiku i drogës, atentate dhe armëmbajtje pa leje. Në kuadër të dosjes “Revanshi” është shpallur në kërkim edhe ish-deputeti socialist Arben Ndoka.
Durim Bami akuzohet për “sigurim kushtesh për vrasje” ndaj Arben Ndokës, Tori Xheçukës dhe Erigert Mihasit. Ndërsa Marklen Haka për “vrasje të mbetur në tentativë” dhe “sigurim kushtesh për vrasje” ndaj Durim Bamit dhe po ashtu “sigurim kushte për vrasje” ndaj Tori Xheçukës dhe Erigert Mihasit. Dy ish-zyrtarët e policisë akuzohen për çështje të hashashit.
