Në dosjen e SPAK që hodhi dritë mbi atentatin e dështuar ndaj Aleksandër Prendit nga anëtarët e dyshuar të grupit kriminal Bajri, ajo që bie në sy janë videot e gjetura në celularët e sekuestruar në kuadër të hetimeve, ku Izmir Sakicaj, Samuel Troshani apo dhe persona të tjerë shfaqen duke qëlluar me armë.
Në një nga videot, shfaqet Samuel Troshani duke qëlluar me armë zjarri. Bashkë me të ndodhet edhe një person tjetër, i cili në dosjen e SPAK rezulton i paidentifikuar.
Sipas një burimi anonim, personi në fjalë quhet Mikel Kodra dhe është nipi i Prekë Kodrës, i akuzuar si autori i atentatit me snajper ndaj Ardian Çapjas, që dyshohet se u krye me urdhër të Suel Çelës.
Prekë Kodra akuzohet edhe për atentate të tjera të kryera me snajper.
