Gjykata e Posaçme e Apelit la në fuqi masën e sigurisë arrest në shtëpi për drejtoreshën e AKSHI-t, Mirlinda Karçanaj dhe zëvendësen e saj Hava Delibashi.
Në fuqi mbetën dhe masa e detyrimit për paraqitje apo ndalim për të dalë jashtë vendit për të dyshuarit e tjerë perfshirë dhe Erion Ismailin, ish-zv.drejtor i Policisë së Tiranës.
Ergys Agasi dhe Ermal Beqiri vijojnë të jenë në kërkim. SPAK goditi një grup kriminal që rrëmbente biznesmenë që i kërcënonin të tërhiqeshin nga tenderat.
Komunikim për median:
Gjykata e Posaçme e Apelit për Korrupsionin dhe Krimin e Organizuar, me trup gjykues
monokratik të përbërë nga gjyqtar Florjan Kalaja, sot më datë 05.02.2026, disponoi për
çështjen penale nr. 4 akti, datë 27.01.2026 regjistrimi, mbi ankimin e ankuesve M.K, H.D,
E.I, R.Rr, A.P, G.H: “
- Ankim kundër vendimit nr. 125, datë 15.12.2025, të Gjykatës së
Posaçme të Shkallës së Parë për Korrupsionin dhe Krimin e Organizuar, me objekt: Caktim
mase sigurimi personal. - Ankim kundër vendimit nr. 131, datë 18.12.2025, të Gjykatës së
Posaçme të Shkallës së Parë për Korrupsionin dhe Krimin e Organizuar, me objekt:
Verifikimin e kushteve dhe kritereve të caktimit të masës së sigurimit personale shtrënguese
për personat nën hetim M.K, H.D, E.I, R.Rr, A.P, G.H”, duke miratuar vendimin nr. 125, datë
15.12.2025 të Gjykatës së Posaçme të Shkallës së Parë për Korrupsionin dhe Krimin e
Organizuar, sa i takon disponimeve kundrejt znj. H.D, z. E.I., z. G.H, znj. M.K, z. A.P dhe z.
R.Rr dhe vendimin nr. 131, datë 18.12.2025 të Gjykatës së Posaçme të Shkallës së Parë për
Korrupsionin dhe Krimin e Organizuar. Gjithashtu, disponoi për ndalimin e publikimit apo
dekonspirimit të këtij vendimi deri në mbylljen e hetimeve paraprake, në zbatim të nenit 103
të Kodit të Procedurës Penale.
