Gjykata e Posaçme zëvendësoi masën e sigurisë për shtetasin kinez Hongping Xiao, CEO i kompanisë Bankers Petroleum. Nga arrest në burg, ai u dërgua në arrest shtëpie. Ky vendim i GJKKO vjen pak ditë pasi SPAK zgjati në fund të dhjetorit edhe me 3 muaj afatet e hetimit për të dyshuarit.
Nga hetimer rezukton se përgjatë viteve 2004–2024 Bankers ka eksportuar dhe shitur naftë me një vlerë totale rreth 5 miliardë euro, ndërsa nuk ka paguar tatim fitimi, për shkak se deklaronte humbje.
SPAK po heton për akuzat “krijimi i skemave mashtruese” lidhur me tatimin mbi vlerën e shtuar, “fshehje e të ardhurave”, “pastrim i produkteve të veprës penale ose veprimtarisë kriminale”, “shpërdorim detyre”, “moskryerje e detyrave nga organeve tatimore”, “korrupsion pasiv i zyrtarëve të lartë shtetëror ose të zgjedhurve vendor”, “grup i strukturuar kriminal” dhe “kryerja e veprave penale nga organizata kriminale”.
