Ish numri dy i AKSHIT Hava Delibashi i është drejtuar Gjykatës së Posaçme me kërkesë për zëvendësimin e masës së sigurisë. Delibashi ndodhet aktualisht në arrest shtëpie pasi dyshohet si pjesë e grupit kriminal të drejtuar nga Ergys Agasi dhe Ermal Beqiri.
Kërkesa pritet të shqyrtohet nga gjyqtarja e posaçme Flojera Davidi.
Nga hetimet ka rezultuar se biznesmenët Agasi e Beqiri në arrati urdhëronin rrëmbimin e rivalëve me qëllim që ata të tërhiqeshin nga tenderat e AKSHIT. Një prej biznesmenëve që dyshohet se është rrëmbyer është Gerond Meçe i kompanisë ABS.
