Një ngjarje e rëndë ka tronditur opinionin publik, ku viktima Egli Pashollari është sulmuar menjëherë pasi ka dalë nga automjeti i tij nga tre persona, dy djem dhe një vajzë.
Sipas të dhënave paraprake, sapo ka zbritur nga makina, ai është përballur me tre agresorët dhe situata ka degjeneruar në përleshje fizike. Gjatë konfliktit, njëri prej djemve e ka goditur të paktën një herë në kurriz.
Pas sulmit, Pashollarit i është dhënë ndihma e parë pranë një lokali në zonë. Më pas, disa persona të tjerë që ndodheshin në vendngjarje e kanë transportuar me makinën e tij drejt spitalit për ndihmë mjekësore urgjente.
Fatkeqësisht, ai nuk ka mundur t’u mbijetojë plagëve dhe ka ndërruar jetë gjatë rrugës për në spital.
Autoritetet pritet të zbardhin rrethanat e plota të ngjarjes dhe motivet e këtij sulmi fatal.
