Një banesë është përfshirë nga flakët në fshatin Kusarth të Njësisë Administrative Bradashesh, në Elbasan. Zjarri ka nisur në katin e parë të shtëpisë, ku ndodheshin materiale të ndryshme, duke përshkallëzuar situatën. Deri tani nuk raportohet për të lënduar.
Në vendngjarje ndodhen punonjësit e MZSH Elbasan, të cilët po punojnë për fikjen e flakëve dhe izolimin e zjarrit, me qëllim shmangien e përhapjes drejt pjesëve të tjera të godinës.
