Ish-kryetari i PD-së në njësinë administrative të Dajçit, në Zadrimë, është dhunuar barbarisht nga persona ende të paidentifikuar mbrëmjen e kaluar rreth orës 22:00 në aksin Mamurras–Laç, në zonën e Sanxhakut.
Sipas të dhënave të para, Sokol Toma është goditur me sende të forta, ku i janë thyer këmbët si dhe i është prerë një pjesë e veshit. Agresorët pasi e kanë dhunuar me sende të forta i kanë marrë edhe celularin.
53-vjeçari aktualisht ndodhet në Spitalin e Traumës. Policia ka nisur hetimet, por pa mundur ende të identifikojë autorët apo motivet e ngjarjes.
