Një konflikt i çastit mes Mariglen Sinajt dhe Romeo Çakos në një lokal në Fier, ka përfunduar në përdorimin e armës së zjarrit. Policia thotë se gjatë konfliktit, 33-vjeçari Çako ka nxjerr armën dhe ka qëlluar në dyshemenë e lokalit.
Fatmirësisht, nuk raportohet për të lënduar.
Personat e përfshirë në sherr janë larguar nga vendngjarja, ndërsa janë sekuestruar pamjet filmike të kamerave të sigurisë.
Policia vijon kontrollin në zonë për kapjen e tyre dhe po punon për zbardhjen e rrethanave të ngjarjes.
Njoftimi:
Fier/Informacion paraprak
Rreth orës 21:30, në një lokal në lagjen “8 Shkurti”, dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit.
Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes.
