Deputeti i PD, Xhelal Mziu, ka qëndruar për rreth një orë e 20 minuta në ambientet e SPAK. I pyetur nëse paraqitja e tij kishte të bënte me zgjedhjet, Mziu u përgjigj shkurt duke thënë se ishte një “çështje policie”, duke refuzuar të japë më shumë detaje.
Kujtojmë se Mziu është kallëzuar në SPAK për veprën penale të “shpifjes” të kryer në publik nga deputeti i PS, Agron Malaj, në qershor të vitit të kaluar.
Padia ka lidhje me një deklaratë publike të bërë nga Mziu një ditë para zgjedhjeve parlamentare të 11 majit.
Më 10 maj, në zonën e Maqellarës, simpatizantë të Partisë Demokratike ndaluan një automjet, duke pretenduar se personat që ndodheshin brenda tij po shpërndanin para për të blerë vota në favor të Partisë Socialiste.
