Misioni i Bashkimit Europian për Sundimin e Ligjit në Shqipëri ka reaguar për ngjarjen tragjike ku mbeti i vrarë gjyqtari i Gjykatës së Apelit, Astrit Kalaja, dhe u plagosën dy qytetarë të tjerë.
Në deklaratën e tyre, EUDEL shpreh tronditjen e thellë për këtë akt të rëndë dhe dënon me forcë ngjarjen kriminale që tronditi opinionin publik. Delegacioni i BE-së i shpreh ngushëllimet familjes së gjyqtarit Kalaja dhe bën thirrje për marrjen e masave urgjente për rritjen e sigurisë në në sallat e gjyqit.
Reagimi i Delegacionit të BE-së:
EUDEL është i tronditur nga akti i dhunës që çoi në vrasjen e gjyqtarit Astrit Kalaja dhe plagosjen e dy qytetarëve shqiptarë.
Ne dënojmë fuqimisht këtë akt kriminal.
I shprehim ngushëllimet më të thella familjes së gjyqtarit Kalaja.
Kjo tragjedi thekson nevojën urgjente që Shqipëria të rrisë sigurinë e gjyqtarëve dhe prokurorëve dhe të marrë të gjitha masat e nevojshme për të garantuar sigurinë në sallat e gjyqit.
BE qëndron e palëkundur në mbështetjen e reformës në drejtësi dhe në mbrojtjen e sundimit të ligjit në vend.
