Anëtarët e Këshillit të Lartë të Prokurorisë janë përfshirë në debate të ashpra me njëri-tjetrin në mbledhjen e zhvilluar me datë 30 prill.
Debati është zhvilluar mes kryetares së KLP-së, Mirela Bogdani dhe anëtarit Sokol Stojani, por më pas janë përfshirë edhe anëtarë të tjerë.
Referuar mbledhjes rezulton se temë debati ka qenë vendimi i marrë në mbledhjen e datës 2 prill, që lidhet me hapjen e vendeve vakante në KLP, vendim për të cilin Bogdani kërkoi rikthimin për shqyrtim.
Stojani e kundërshtoi këtë propozim të kryetares së KLP.-së dhe pati debate të forta mes tyre.
Ai paralajmëroi anëtarët se do ti kallëzonte për shpërtdorim detyre, për zvarritjen e procesit, ndërsa deklaroi se ka dyshime serioze për formimin e Bogdanit dhe të disa anëtarëve të tjerë.
Debati:
Stojani: S’ka gjë më ordinere se kjo. Ky është një problem konceptual.
Bogdani: Unë e rikthej për diskutim.
Stojani: Po nuk rrëzohet një diskutim, moj!
Bogdani: Unë kështu e gjykova. Kush je ti që më tregon mua?
Stojani: Po kush je ti, moj?
Bogdani: Po mbase jam çmendur unë.
Stojani: Po je çmendur, moj, je çmendur.
