Debate të forta në Gjykatën e Posaçme gjatë seancës paraprake ndaj kryebashkiakut të Tiranës, Erion Veliaj, ndaj të cilit rëndojnë 13 akuza penale, si korrupsion, pastrim parash apo fshehje e pasurisë.
Në seancë, avokatja e caktuar kryesisht kërkoi sërish kohë për t’u konsultuar me Veliajn, pasi me këtë të fundit ka patur kontakt në paraburgim vetëm 1 orë të premten dhe është e pamjaftueshme.
Artan Gjermeni kërkoi që të mundësohej që Erion Veliaj të shoqërohej ne gjykatë, kur të mund të konsultohet me avokaten kryesisht, ndërsa t’i sqarohej dhe pozita e tij proceduriale.
Në këtë valë debatesh mes palëve, SPAK kërkoi të kalojnë në konkluzionet përfundimtare duke arsyetuar se janë njohur me aktet. Në këtë moment, avokati i Veliajt është larguar nga salla, pasi pretendoi se e ka të paqartë poztiën e tij proceduriale.
Pas daljes nga gjykata të Gjermenit është larguar edhe kryebashkiaku Veliaj, i cili ka kërkuar edhe përjashtimin e trupit gjykuese dhe të avokates kryesisht.
Gjykata e Posaçme mbylli shqyrtimin paraprak të dosjes "Veliaj". Gjykata u tërhoq për vendim në seancën e 9 shkurtit në orën 12:00. Seanca u shty përtej afatit 5 ditor për shkak të kërkesës së Veliajt për përjashtim të gjyqtares, nëse e depoziton atë me shkrim.
