Ish-ministri i Shëndetësisë Ilir Beqaj që po gjykohet për aferën e koncesionit të “Sterilizimit” ka folur për Avokatin e Popullit.
“Iniciuesi i këtij procesi, ai që ka bërë kallëzimin, sot është Avokati i Popullit dhe i pari në listën e dëshmitarëve. Ai ka bërë deklarime publike për mua. Ai ishte lumturuar pse jam në pranga. Ka thënë që e dinte se çështja ishte pushuar, por bëri kallëzimin.
Ata që e zgjodhën e dinë vetë. Unë personalisht me të, do përballem këtu në proces.
Ajo që më habiti nuk ishte vota. Ishte puthja para atyre deputetëve”, tha Beqaj, ndërsa u ndërpre nga gjykata për të mos vijuar më tej për shkak se deklarimet nuk kishin lidhje me procesin.
