Policia e Elbasanit arreston Nevzat Spahon, i dyshuar si bashkëpunëtor në ekzekutimin e biznesmenit Mondi Mëhalla alias Edmond Hyka në Elbasan.
“Në vijim të veprimeve operacionale të kryera në bazë dhe për llogari të hetimeve intensive që po kryhen për të dokumentuar ligjërisht autorësinë dhe rrethanat e vrasjes së kryer më datë 30.11.2025, në ambientin e jashtëm të një karburanti në lagjen ‘Emin Matraxhiu’, specialistët për Hetimin e Krimeve të Rënda ekzekutuan urdhrin e prokurorit për ndalimin e shtetasit:
– N. S., 29 vjeç, banues në Prrenjas, për veprat penale ‘Vrasje me paramendim’, kryer në bashkëpunim, dhe ‘Prodhimi dhe mbajtja pa leje e armëve, armëve shpërthyese dhe municionit’.”
Nga verifikimet rezultoi se ky shtetas kishte precedentë penalë për tentativë vrasjeje, armëmbajtje pa leje, shtrëngim me anë të kanosjes/dhunës për dhënie të pasurisë, si dhe për vjedhje.
Ndërkaq, nga hetimet dyshohet se ai është përfshirë në ngjarjen e 30.11.2025, ku u vra me armë zjarri shtetasi M. M. alias E. H.
I arrestuari është me precedentë të theksuar kriminal, ndërsa më herët janë arrestuar ish-ortaku i viktimës dhe roja i karburantit, si dhe dy persona të tjerë janë shpallur në kërkim për vrasjen e Mondi Mëhallës.
