Panateli Nkaoleci, i cili vrau bashkëshorten e tij një ditë më parë në Volos para syve të katër fëmijëve, është vënë në pranga këtë të shtunë. Policia greke konfirmoi arrestimin e tij në rrugën Pagason, vetëm 200 metra larg vendit ku ndodhi ngjarja tragjike.
Sipas burimeve, ai ishte fshehur në një parking pas vrasjes dhe arriti të largohej nga skena e krimit pa lënë gjurmë.
Autoritetet greke bëjnë me dije se Nkaoleci kishte një histori të rënduar psikiatrike. Në qershor të vitit 2025 ai kishte tentuar të vetëvritej, çka solli shtrimin e tij në një klinikë psikiatrike.
